Egurra, plastiko
birziklatua
Maiatza 2025
Materiategi LabNK Gipuzkoako materialen lehen liburutegia da eta Naturklima Fundazioaren egoitzan kontsultatu daiteke. Gipuzkoako Foru Aldundiak eta Naturklima Fundazioak sustatu duten proiektua da.
Materiategin ekonomia zirkularraren adierazgarri diren materialen laginak aurkitzen dira, Gipuzkoako enpresa, ikerketa zentru eta erakunde desberdinetan sortuak.
Ikuspegi berritzailea:
Ekonomia zirkularraren kontzeptuek hala diote: “oraingo hondakinak etorkizuneko material berriak izango dira”, “sistema linealak biribilduko ditugu”, “balioa handituz birziklatuko dugu”, “berrerabilpena sustatuz”, “gizartea kontzientziatuz” y “jasangarriagoak izaten”. Ideia hauek abiaburutzat hartuz, Materiategian Gipuzkoako hondakinak eta materialak nahasten dira, izatez, balioari loturiko desberdintasuna guk ezartzen ditugulako.
Material zirkularra eta hondakina:
Materiategik material zirkularrak eta hondakinak desberdintzen ditu liburutegiaren katalogazioa egiterako garaian. Hondakinak liburutegian ikuskatzeak duen balioa azpimarratu nahi dugu, hondakina material berria edo lehengai gisa balioesten dugulako.
- Material zirkularra: balio handitze prozesuak egin eta gero lortzen den material berria, hau da, berrerabilpen edo birziklapen prozesuen bitartez ekoiztu dena, edota ekonomia zirkularreko ezaugarriak betetzen dituena.
- Hondakina: enpresak bazterkina kontsideratzen duen materiala, bizitza zikloaren amaieran aurkitzen den materiala eta gaur egun irtenbiderik ematen ez zaiona.
Online katalogoa ikusteko esteka: Materiategi digitala
Altzarien diseinua eta garapena: Mazedonia Design.
Katalogazioa eta diseinu grafikoa: Mazedonia Design.
Altzarien ekoizpena: Inventions Solutions, Rocco Roncuzzi eta Igor Montuschi-rekin.
Altzarien diseinu prozesua, Mazedonia Design-ek garatua:
Plastiko birziklatuarekin ekoiztutako kartela, Mazedonia Design:
Materialen ikerketa, katalogazioa eta diseinu grafikoaren prozesua:
Materiategian hondakinak eta ekonomia zirkularraren adierazgarri diren materialak daude ikusgai. Gainera, materialen fitxa bakoitzean informazio hau aurkitu daiteke:
- Materialaren izena.
- Materialaren familia: guztira lau familia nagusi kontuan hartu dira, hala nola: zeramikoa, metalikoa, polimeroa edo konposatua.
- Materialaren kodea.
- Material zirkularra edo Hondakina: hondakin landugabe gisa edo sormen-aplikazio potentziala duen material berria.
- Kasua: materialaren garapen kontextuaren deskribapen laburra.
- Ekoizpena: materiala ekoizteko teknologia eta prozesuen izenak.
- Egoera: merkatal egoeraren deskribapena. Hala nola hiru egoera desberdin kontuan hartu dira: komertzialki eskuragai kantitate handietan (produkzio erregularra duena), komertzialki eskuragi kantitate txikietan (enkargu bidezkoa, produkzio irregularra duena) eta garapen bidean dagoen materiala.
- Propietateak: materialaren propietate fisiko, geometriko eta sentsorialak.
- Kontaktua: erakundearen izena eta logoa.
Kolaboratzaileak:
